陳卓賢、姜濤 做「一日奶爸」 | 走進「後台」 重地探訪大熊貓龍鳳胎 🐼🐼

MIRROR 早前派出「哥與弟」Ian 陳卓賢及姜濤，率先到海洋公園一睹大熊貓風采，並深入後台重地同動物護理員偷師，學習點樣調製熊貓 BB 奶粉，以及製作熊貓 BB 玩具，齊齊學做「奶爸」！

🐼Ian 初次同熊貓見面，發現原來其中一隻特別喜愛鋼琴玩具，喜歡聽奶爸奶媽彈琴！Ian 見狀即心心眼，不斷高呼「好得意」，並笑說：「佢真係好鍾意彈琴呢！你估她有否聽我的歌呢？」更馬上拿起電話同熊貓Selfie，造就「陳仔無尾熊」同熊貓世紀同框合照，相信今次「追星」經歷會令Ian 更加可以代入 Hellosss 的心境！

🐼至於姜濤原來同大熊貓的緣份更深，事關佢喺 2019 年拍攝團綜《MIRROR GO》時，曾跟Stanley 化身動物訓練員，探望過兩隻大熊貓BB的媽咪「盈盈」，甚至幫「盈盈」清理便便。事隔 6 年再同「盈盈」嘅 BB見面，姜濤難免更加雀躍，見到大熊貓時即以「Hey Bro!」問候，又送上「波波」做見面禮，看到熊貓BB腳步蹣跚爬上吊床時更大叫「頂住」，相當肉緊！

🏀身為籃球迷的姜濤，送波當然係悉心安排：「因為聽說熊貓BB相當活潑，所以送上波波比佢玩，希望我之後可以教佢入球絕技！」姜濤又語重心長表示：「其實大熊貓可愛的背後，全賴一班動物護理員出心出力照顧，密切關注牠們的身體狀況，才能令大家睇到健康滿滿嘅大熊貓，所以希望大家關注大熊貓保育和一起愛護動物！」

立即Share比身邊姜糖同Hellosss啦‼️