元祖級韓國蒜辣燉雞　雜錦煎餅、韓式糖餅、辣炒小章魚｜鐘路雞林辣炖雞湯元祖｜尖沙咀

如果大家有朋友鍾意食蒜，一定要嗌埋黎呢間，我以為蒜泥白肉已經夠多蒜，呢到拳頭咁大球嘅蒜，一嘢轟落個鍋到，唔怪得入黎已經聞到果股香氣。

其實呢間辣燉雞係韓國超出名，而且仲係50幾年老店，堪稱係元祖級，聽講仲上過唔少韓國電視節目，如果大家去韓國搵嘢食，可能都會見過，但原來香港都有開。

-
🥘辣炖雞湯 (S $368 / L $478)
🧀芝士炒飯 (追加 $60)
1️⃣雖然話係湯，但其實係湯鍋，上枱滾下滾下，落一大球蒜蓉去熬湯，仲有其他香料咁，每件雞都沾滿蒜辣香，真係超級惹味。

2️⃣而食之前記得飲返啖湯試下，而且湯底仲有唔少年糕同配料，食完之後再加炒飯，店員會用剩低部份嘅蒜辣湯，連埋芝士拉絲炒起，用盡湯底精華。

-
🔸韓國料理
🐙辣炒小章魚 ($130)
🧀芝士拉絲栗米 ($60)
呢到仲有唔少韓國料理，主要都小食為主，例如辣汁炒嘅小章魚，爽彈又帶鮮味，粟米就拌勻芝士，一扯即刻拉哂絲。

🥓韓式雜錦煎餅 ($90)
呢碟有齊海鮮煎餅、泡菜煎餅、薯仔煎餅三款，自家製煎到香口，唔同平時一大塊切開，特意做到一塊塊細塊，一次過試哂三款。

🍙蟹籽紫菜飯糰 ($70)
🍖韓式滷豬手 ($150)

-
🍘韓式糖餅 ($50)
呢款糖餅其實係甜品，外脆內軟超驚喜，口感帶點煙韌，又唔會太甜超正。

🍻Drinks
呢到有唔少來自韓國嘅酒水，啤酒燒酒都有，有啲仲係出邊少見，配埋惹味辣雞真係一流。

-
鐘路雞林辣炖雞湯元祖
🗺️尖沙咀金巴利道46-48號東匯大廈地下低層
📞5334 3088

銅鑼灣都有分店！
🗺️銅鑼灣耀華街3號百樂中心7樓
📞2433 0888

生活