海鮮自助餐有齊五種蟹任食　法國蜘蛛膏蟹、阿拉斯加帝王蟹｜The Market, Hotel ICON ｜尖沙咀

如果平時鍾意食海鮮都知，唔好話自助餐，就算出邊餐廳散叫，都冇咁易食到法國蜘蛛膏蟹，呢到仲要總共有成5種蟹，好似睇緊動物圖鑑咁，海鮮控黎到一定超開心。

今次佢地呢個蟹宴主題，除咗有法國蜘蛛膏蟹，仲要有齊阿拉斯加帝王蟹、肥肥蟹、鱈場蟹同老虎蟹，都未計龍蝦同壽司刺身，仲有一向出色嘅甜品、榴槤、任食Godiva雪糕。

-
🦀阿拉斯加帝王及法國蜘蛛膏蟹宴
🦀主題食物 (部份重點；輪流供應)
🥢法國蜘蛛膏蟹粥
🥢法國蜘蛛膏蟹上湯宮廷麵
🥢法國蜘蛛膏蟹意粉
🥢法國蜘蛛膏蟹燉蛋
🥢法國蜘蛛膏蟹湯
出邊少見嘅蜘蛛膏蟹，特別用上來自法國Gourmet Cuisine嘅，聽到都已經覺矜貴，因為係膏蟹，所以燉蛋、熬湯/粥呢幾款特別鮮甜，當然蟹肉都有得食。

🥢即席鹽燒阿拉斯加蟹腳
🥢陳年花雕浸阿拉斯加蟹腳
🥢上湯老虎蟹伴煎米粉
🥢新加坡黑胡椒炒蟹
🥢泰式阿拉斯加蟹粉絲
🥢貓山王黃金奶黃肥肥蟹
🥢阿拉斯加蟹肉牛油果沙律
🥢阿拉斯加蟹肉青芒果沙律
都係出邊稀有少見嘅高級蟹種，主角當然仲有阿拉斯加蟹，特別鮮嫩嘅即燒都有得任食，仲有估唔到連老虎蟹、肥肥蟹呢啲都有，平時真係食唔到。

🦞冰凍海鮮 (部份重點)
🥢波士頓龍蝦 🥢長腳蟹腳
🥢小龍蝦 🥢凍蝦 🥢藍青口
🍣刺身壽司 (部份重點)
🥢新鮮三文魚籽 🥢原粒帶子 🥢連頭甜蝦
🥢吞拿魚 🥢三文魚 🥢北寄貝 🥢八爪魚
其他海鮮刺身一向都出色，除咗爆膏嘅龍蝦，其他海鮮都特別靚，原粒帶子同連頭甜蝦都有得任食，最誇張係三文魚籽自助任𢳂，拎住碗當飯食都得。

🥓其他熱食(部份重點)
🥢即煎鴨肝 🥢即製蟹肉包
🥢海南雞飯 🥢即製喇沙 🥢椰子雞燉湯

🥩烤肉(部份重點)
🥢烤美國牛扒 🥢烤羊架

-
🍰甜品 (部份重點)
🥢榴槤醬 (果肉)
🥢榴槤斑蘭糯米糍 🥢榴槤斑蘭卷
🥢榴槤麻糬葡撻 🥢迷你D24榴槤芝士撻
🥢榴槤芝士蛋糕 🥢榴槤意式奶凍
🥢綠茶奶凍 🥢綠茶士多啤梨卷
🥢鮮果撻 🥢紅毛丹蒟蒻
🥢烏龍茶啫喱 🥢紅桑子朱古力蛋糕
🥢茉莉朱古力蛋糕 🥢多款鮮果
完全係榴槤控嘅天堂，剩係榴槤已經佔咗一半，連榴槤果肉製嘅榴槤醬都有，但唔好以為得榴槤，本身甜品數量都比出邊自助餐多，超幸福。

🍨雪糕 (部份重點)
🥢Godiva黑朱古力70%雪糕 🥢Godiva白朱古力雪糕
🥢自家製榴槤雪糕 🥢榴槤軟雪糕
🥢Haagen Dazs雪糕 🥢Movenpick雪糕
仲有啲雪糕都超令人興奮，任擠Godiva雪糕之餘，榴槤雪糕都有兩種，自家製果款特別濃郁，仲有啲Haagen Dazs同Movenpick特別口味。

🍹任飲幾款果汁、咖啡/茶(凍檸茶都有)

The Market, Hotel ICON
🗺️尖沙咀東部科學館道17號Hotel ICON二樓
📞訂位電話：34001388
🕰️用餐時間：18:30-22:00
🍱價錢詳情：
- 星期一至四 ($858)
- 星期五至日及公眾假期 ($908)

▼Follow foodiegogoooo
Instagram: https://www.instagram.com/foodiegogoooo/