[POCO F6 Pro 開箱] Z世代達人 - POCO F6 Pro 高性價比旗艦配置電競手機 WIFI7手機 | PocoF6 PocoF6Pro XiaomiF6Pro PocoF6Pro開箱
510 觀看次數POCO F6 Pro 嘅定位係頂級嘅電競手機，配置高通 SnapDragon 8 Gen2 旗艦級處理器，機身用上咗金屬框架同埋光滑嘅四曲面玻璃機背，配合6.67寸、支援120Hz更新、最高4000 nits 亮度嘅 WQHD+ Flow AMOLED屏幕，效果突出。而機身嘅寬度亦都經過窩心嘅設計，拎上手嘅手感好舒服，相信就算隻手比較細嘅用家，拎上手都一樣會有唔錯嘅手感。
好喇，睇吓部機嘅表現先！用上咗旗艦級嘅處理器，睇一般嘅網頁同埋串流嘅電視服務，當然就唔成問題。留意吓新聞節目下面嘅走馬燈，顯示都算暢順，唔覺有太大嘅窒吓窒吓嘅情況。
作為電競手機，上網嘅表現就當然最為重要啦！呢部機最特別嘅地方係支援Wi-Fi 7連線，係目前市面上少數嘅選擇。當然亦都支援5G連線，我哋就喺黃埔區隨手試吓上網嘅速度，雖然離開5G嘅峰值仍然好遠，不過呢個速度喺香港嚟講，都算可以接受。
睇返POCO F6 Pro 支援絕大部份嘅5G頻譜，相信喺目前各大電訊商都將手上嘅唔同頻段改為5G技術發射，日後無論喺接收同埋速度上面，都應該有進一步嘅改進。
相機亦都係POCO F6 Pro 嘅另一個賣點。雖然喺外型上睇落去，好似有四個鏡頭咁，不過其實POCO F6 Pro只係內置咗三個後置鏡頭，分別係 5000萬像素、支援光學防手震嘅主鏡頭、800萬像素嘅超廣角鏡頭同埋200萬像素嘅微距鏡頭。我哋就分別影咗幾多相俾大家參考，顏色尚算自然，如果開埋支援5000萬像素選項嚟影相，相片在放大後，細字都一樣清晰可見㗎！另外，POCO F6 Pro配置咗1600萬像素嘅前置自拍鏡頭，無論自拍、玩視像對話定係Zoom開會都完全唔係問題。
POCO F6 Pro支援屏下指紋解鎖技術，同埋AI人面辨識技術，電量方面，內置嘅5000mAh電量支援小米自家嘅120W極速快充技術，19分鐘嘅時間就可以將手機充滿電喇！以作為主打電競嘅手機，POCO F6 Pro 配備咗新一代嘅散熱技術，結合LiquidCool水冷技術4.0同埋IceLoop系統，提高散熱嘅效率，確保手機唔會因為打機嘅時候產生嘅熱力拖慢運作。
POCO F6 Pro 香港將會推出黑色同埋白色兩個顏色，12GB Ram + 512GB內存嘅建議零售價係 $3499，而16GB Ram + 1TB內存嘅建議零售價係 $3999。6月13號就會陸續出貨喇！官方喺發佈會表示，同等嘅價錢對比其他品牌，絕對係高性價比之選！唔知你又點睇呢部POCO F6 Pro呢？
#pocof6pro #pocof6pro開箱 #Z世代達人
自動播放下一則