【MV擺脫乖乖仔個性】Jeremy亦正亦邪妖艷升級

【Jeremy亦正亦邪妖艷升級】作為今年新人的MIRROR成員李駿傑（Jeremy），最新派台歌〈九〉延續〈半〉的概念，再度嘗試用歌曲跟樂迷講道理，而新歌MV中Jeremy陷入亦正亦邪的深層演繹，放低乖乖仔個性的他將妖艷升級，更勝過去任何的演出。

《九》MV：https://youtu.be/2nKenGM6dkA

繼〈半〉之後，今次Jeremy再次借歌曲跟樂迷「講道理」。〈九〉由王雙駿監製、張繼聰作曲、周耀輝填詞，歌詞內容道出每個人需要作出選擇的時候，都會出現很多不同的誘惑，但大家選擇的結果， 其實都取決於自己善或惡的個性，但歌曲最終想告訴大家，不論任何選擇，都要自己承受後果。

今次〈九〉得到張繼聰助陣，Jeremy也始料不及，他說：「請到張繼聰前輩作曲係因為Carl叔叔，可能Carl叔叔覺得Louis作嘅歌比較適合我，所以收到Demo時都好驚喜，因為冇諗過會有佢寫歌俾我，有啲Surprise。」比起上次〈半〉，Jeremy坦言這次演繹更見難度，他說：「起初以為Verse（主歌）難，因為歌詞好密，咬字要好實淨先知講乜，所以錄音時比較擔心呢部份，點知最難係Chrous（副歌），難在要唱出味道，Carl叔叔一路斟嚼用氣唔夠，跟住錄咗兩個半鐘後，把聲完全沙晒唱唔到，可能因為我捉唔到個力，搵唔到個Feel夾硬唱，結果搞成咁。」Jeremy最終要第三次走入錄音室才能成功找到應有的感覺，順利完成錄音，不過Jeremy悄悄說：「歌詞中嘅一句『What Should I Do』，佢嘅低音位係用我本身沙咗把聲去錄，所以沙聲有沙聲嘅好，令到件事更加Creepy（怪異）。」

除了歌曲外，MV也是圍繞善與惡的主題，Jeremy為樂迷解讀MV道：「MV裡面出現黑、白兩個造型，分別代表善與惡。一開始講緊我發夢，聽到好多人講嘢，有好多Message出現喺腦袋入面，令我自己好混亂好困擾，但夢醒後另一個我就出現了，而當中想表達，一個人無論幾善良都好，一定會有少少嘅陰暗面出現；幾壞嘅人都會有善良嘅一面，所以都係想話俾大家知，世間唔係淨係得黑、白，希望大家能坦承面對自己，去搵返自己真正嘅善同埋惡，面對返自己。」

#九 #李駿傑 #Jeremy

#香港音樂人 #香港製造 #makeinhongkong

#香港人撐香港音樂 #撐廣東歌撐谷Live #香港音樂

#2022廣東歌 #新歌

----------------------------------------------

👍🏻 Facebook：https://bit.ly/2HZAgDL

♥️ IG：https://bit.ly/34PhuYx

⭕ YouTube：http://www.youtube.com/c/谷Live

🏆 谷撐音樂流行榜：https://bit.ly/3sECI7C