超過二十年歷史嘅泰菜　排骨山+咖喱焗飯｜新泰東南亞餐廳｜灣仔

雖然成日話條街冇人，不過唔知大家覺唔覺，好多泰菜都成日大排長龍。但同時好似間間都係食果啲嘢，炒河、船麵、冬陰功、咖哩咁，今次呢間就特別啲啦。

呢間超過二十年歷史嘅泰菜，雖然係泰國大廚主理，但滲入唔少東南亞元素，唔少菜式係出邊啲泰菜都食唔到，最緊要度假風環境舒服，約埋一班人食飯啱哂。

-
🥩窩巴牛肉 ($98)
🦀香芒軟殼蟹米紙巷 ($98)
正如上邊提到，呢到加入唔少東南亞元素，前者類似巴東牛肉，濃郁味道用脆鍋巴中和，後者就係越式米紙巷咁，夾上超脆軟殼蟹，芒果又酸甜開胃。

🥘日本南瓜焗咖哩海鮮飯 ($158)
超澎湃嘅咖哩焗飯，特登用上日本南瓜，再鋪上芝士焗起，咖哩濃香帶南瓜微甜，味道互相中和，仲有唔少海鮮。

🍖排骨山 ($248)
🥓泰國青芒果沙律 ($88)
上枱點火嘅排骨山，其實即係火山排骨咁，但同出邊唔同嘅係，呢到連鍋同明火上，滾下滾下熱辣辣，湯汁清甜帶酸辣，惹味開胃啱哂夏天。

🍨椰青沙冰 ($78)
特別想提一提呢個沙冰，夏天飲真係超爽，原個椰青上，而且超夠濃厚，根本係一個甜品咁，但又夠解渴消暑。

🥭芒果糯米飯 ($78)

-
新泰東南亞餐廳
🗺️灣仔大王東街21-23號興旺閣地舖至2樓
📞2327 3938

生活