爆紅粉嫩牛舌　酥脆冰花東坡肉餃｜餃燃串｜旺角

有時食飯都會有朋友問，點解有啲鋪頭選擇咁少，其實講到尾都係因為土地問題，廚房size局限一切。但今次呢間小店真係嚇到我，鋪頭細細竟然做到咁多招牌菜。

佢地本身主打餃子同丼飯，見到姐姐係鋪面密密包餃，出品已經夠出色。竟然新出埋爆紅嘅粉嫩牛舌，拍得住牛舌檸檬。但最正係啲甜品仲勁過糖水鋪，直落下場唔洗轉場都得。

-
🔸餃子
🥟翡翠墨魚餃 ($48)
佢地本身就係餃子嘅專家，主打自家製餃子，隻隻飽滿足料，呢款墨魚餃就真係夠鮮甜，配埋鮮熬湯底超正。

🥟冰花東坡肉餃子 ($58)
而呢款冰花餃可能有啲朋友都認得，其實係致敬黑白大廚果款，餃子餡再加入東坡肉，外層香脆，內裡滲滿豬油香。

-
🔸丼飯定食
🥩粉嫩厚切牛舌丼定食 ($148)
呢道真係驚喜，做到爆紅嘅牛舌檸檬咁，聽講係最近新出，件件厚切肉嫩，入口爽滑肥美，留意夜晚6點後先有，每晚限量10份。

🥓日式火炙牛舌丼 ($82)
🍖黯然銷魂丼 ($78)
丼飯本身都係佢地招牌，平時lunch超多人黎食，除咗新出厚牛舌，本身薄牛舌都超正超入味，而黯然銷魂丼仲過癮，用豬頸肉做到叉燒咁嘅效果。

-
🔸甜品
🍮冰豆花布甸 (跟丼飯+$28 / 原價$38)
🍵開心果糊 ($46)
🥭楊枝甘露 ($46)
呢到真係可以當甜品鋪黎，直落當下場都得。而且出品超有heart，豆花布甸自家製，將豆花做成滲滿豆香嘅布甸，而開心果糊都用上S級碧綠開心果，特別濃香。

-
餃燃串
🗺️旺角通菜街23號地舖
📞5519 9813

生活