平時搵海景夜景，加埋昏暗靚環境餐廳，多數都係想拍拖/慶生有feel啲，但唔好以為呢到剩係食個景，全Set都近20品，而且都係新鮮稀有嘅高級海鮮。
睇住維港夜景食蒸氣海鮮，呢間真係全香港唯一，日式嘅蒸氣海鮮都係獨一無二，而佢地定時都會轉Menu轉海鮮，今次新Menu仲多咗唔少打卡位，大家睇片就知。
-
🦀真阿拉斯加長腳蟹海鮮蒸氣刺身套餐($888)
平時真六釘阿拉斯加長腳蟹(美國果隻)，游水新鮮閒閒地都千幾蚊，呢到食到之餘，全Set仲有近20品，加埋個維港靚環景，性價比真係超高。
🔹龍蝦生蠔刺身頭盤
有齊花龍蝦、日本室津生蠔、加拿大象拔蚌、酒漬赤蝦、北海道帶子、法國銀鱈魚、赤身，頭盤黎講真係霸氣，隻醬油赤蝦仲非常正。
🔸阿拉斯加長腳蟹 (每兩位半隻)
真係來自美國阿拉斯加，真六釘嘅長腳蟹，蒸起真係鮮甜到極，肉質鮮嫩之餘，仲非常Juicy，真係要啜哂啲肉汁。
🔹龍蝦湯蒸蛋配蟹肉
🔸蘇格蘭刺身帶子 (海草配西京麵豉)
🔹鮮北海道北寄貝
🔸法國野生深海白鱈魚
Menu定期都會轉唔同海鮮，最近新出咗北寄貝同白鱈魚，北寄貝僅熟超嫩，兜住啲肉汁鮮甜到痴線，野生白鱈魚同樣刁鑽，油脂肥美又帶鮮味。
🔹芝士櫻花蝦鮑魚
🔸每天手打鮮製墨魚滑
🔹每天手打鮮製蝦滑
🔸日式京蔥醬油配本地地雞
🔹新鮮野菜盛合
因為係日式蒸氣，菜式都用上日式元素，去引出食材鮮味，就算唔係海鮮，例如本地地雞，都用上京蔥醬油封住油脂，非常嫩滑。
🔸日式蟹皇雜炊
食完海鮮就食埋個粥底，加入蟹膏一同熬製，滲入所有海鮮精華，特別鮮甜濃郁，真係超滿足。
🔹日式甜品 - 伯爵茶/士多啤梨芝士蛋糕
🍹自家製洛神花茶 (另叫)
甜品同飲品都會上枱點火，火花超靚超打卡able，而且甜品都可以有畫碟同蠟燭，加埋個夜景靚環境，啱哂慶祝紀念/生日。
-
天空虎嘯 @sky_koshuo
🗺️天后電氣道68號金輪天地26樓
📞6190 5507
🌃基本上大部份都係窗邊海景位，對住維港夜景，仲有露台打卡睇景，食嘅前後/等蒸嘅途中，都可以出去Chill下影相。
▼Follow foodiegogoooo
Instagram: https://www.instagram.com/foodiegogoooo/
留言 0