喺香港我都食過好多自助餐，但論到去深圳食都係第一次！娘親係個標準海鮮控，所以今次我就揀福田Shangri-la食自助餐！由於真係同香港食開嘅自助餐有好大分別，所以歸納下以下幾點分享比大家！
🌟 即點即煮超豪活海鮮
福田Shangri-la出名食海鮮，好似餐廳中間就有個大水缸，入面擺滿各式活海鮮，好似波士頓龍蝦🦞、三點蟹🦀、貴妃蚌、花甲等，比客人即揀即煮！此外，龍蝦仲可以揀清蒸、蒜蓉同埋芝士三種煮法，真係好豪華呀！😆😆😆✨
🌟 任食大閘蟹＋蒸蠔
話明海鮮出名，當然唔止咁少嘢，呢個自助餐嘅蒸焗區仲可以任食大閘蟹＋蒸蠔，全部都肥美大隻，呢種規格相信喺香港好難搵到！
🌟 刺身＆海鮮冷盤
刺身＆海鮮冷盤係一個自助餐嘅必有元素！Shangri-la當然都唔少得，吞拿魚、三文魚、墨魚、帶子、長腳蟹、螺等，基本上都有齊，雖然無咩驚喜，但配置齊全，一啲都唔馬夫喎！
🌟 騸牯牛/ 成吉思汗羊 火鍋
唔好海鮮，肉控都可以揀火鍋！呢度可以自由夾餸及揀湯底，然後以一人火鍋形式打邊爐！重點係啲餸一啲都唔流，供應各部位嘅騸牯牛、羊肉，任食任夾，咁食法香港肯定好貴，真心食多兩碟都回本！🤪
🌟 鐵阪牛、燒雞翼、鵝肝、羊架
自助餐必有嘅鐵阪燒，呢度都豪華過人，可任夾平時喺餐廳食要幾百蚊嘅鐵阪牛扒、牛柳、羊架，唔係預自煎好比人夾，而係即叫即煎，仲可揀生熟程度！好正！
🌟 自家製雪糕
Shangri-la向來甜品出名，今次自助餐我都有留肚食甜品！我最鍾意係佢哋嘅自家製雪糕，超足料，好似芒果味咁，每一口都滿滿果肉！另外，雲呢拿味都好唔錯，入面仲有一點點嘅雲呢拿籽，誠意十足！
甜品區仲有朱古力塔、各式新春主題 porsion cake、麵包布甸，好多選擇！
✦ Cafe Zen Dinner Buffet CNY 546位起
★－:+:－:+:－:+:－:+:－★
🎡味道：4.5
🎠環境：4
🎪服務：4
🕌CP值：4
（*5為最高分）
★－:+:－:+:－:+:－:+:－★
福田香格里拉酒店-Cafe Zen
◌ 地址： 深圳市福田區益田路4088號一層
★－:+:－:+:－:+:－:+:－★
🎀 記得like埋我，每日放送打卡好去處！📸
https://www.facebook.com/daydaycheckin
https://www.instagram.com/daydaycheckin/