Samsung 8K AI電視有幾勁? AI模式即時增強聲畫效果、睇波都清D！實試Neo QLED 8K QN900D

每年年中都有新電視，今年有啲新意啦，連電視都話進入AI世代！這次測試的Samsung Neo QLED 8K QN900D用上全新NQ8 AI第三代處理器，呢粒新AI晶片今年只用在QN900D，連QN800D都未有，當然要試試佢有幾智能、幾AI啦啦！
畫面方面，除咗8K upscale效果有改進之外，亦都新增AI 動態增強 Pro。AI識認到移動中既物體，再利用運算法提高清晰度，睇波、睇F1賽車等等高速畫面減少鬼影。
聲音方面，AI Sound會實時分析環境聲和影片內容，自動調校音量之外，都會加強聲效，滅少環境聲影響，實試人聲、對白聲係有明顯加強，音場更加擴闊。
另外亦有AI節能，電視會自動檢測周圍的光線亮度調節亮度，比上一代可以省電 23%。
而最智能係以上講到既upscale同AI 動態增強 Pro都是自動開啟，不用作任何設定。AI Sound和AI節能都只需在設定中選「智能模式」就可簡單開啟，對於不太熟悉操作的一般用家來說十分方便，影音迷亦可在進階設定中做更多調節。
另一個重點就係靚仔，QN900D用了infinity air支架設計，邊框極幼，畫面睇落去似懸浮喺空中，加上Samsung旗艦電視用的one connect box設計，主機可以安裝在機背或拆下放在電視櫃，所以機身可以做到很薄。對外形有要求的用家要留意啦。
#TV #電視 #QN900D #NeoQLED #AITV #8K電視 #AI電視 #samsung