韓妹主理燒肉店！爆膏醬油蟹鮮中帶甜｜田浦食肉｜沙田

唔知大家有冇朋友，次次食燒肉都燒到超fail，掛住㩒電話，成日燒燶嘢又乾哂。冇錯我就係其中一個，所以次次燒肉都做伸手黨，幫手燒嘅朋友真係偉大過林肯。

呢間Oppa韓妹主理嘅燒肉，近呢年真係爆紅，地道正宗之餘啲肉又靚，一入黎就擺滿全枱免費嘅前菜，最緊要係韓國店員全程幫手燒，而且真係燒得靚，坐係到等開餐夠哂C服。

-
🦀生醃醬油蟹 ($280)
爆哂膏嘅醬油蟹，Size夠大隻又多肉，調味醃得啱啱好，鹹鮮中帶微甜，拌埋紫菜飯真係一流，留意好似得呢間分店先有。

🥩烤牛小排+五花肉+烤豬皮 (2-3人份量人均~$300)
1️⃣超大份嘅燒肉Set，其實真係3個人先食得哂，牛小排超巨型，原條連骨燒起，店員再幫手拆肉到一口Size，外焦脆內肥美，啖啖肉超幸福。

2️⃣而五花肉都係咁巨型，烤到微脆，一咬油脂香爆發，可以配埋啲配菜中和膩感(免費)，烤豬皮都超爽嫩，超級肥美。

🍜水冷麵 ($98)
🥘芝士紫菜炒飯 (黃油炒飯 $68)
夏天必食水冷麵，一邊食燒肉，一邊開胃涼浸浸，清一清真係夠爽，食完燒肉再炒個芝士紫菜飯，一𢳂起拉哂絲。

🍹梅子汽水 ($30)
🍹柚子洛神花茶 ($30)

-
田浦食肉
🗺沙田石門安群街1號京瑞廣場2期地下19A號舖
📞98250490
❇️可能大家都見過分店，但留意有啲嘢食係得呢間先有！

生活