爆蔥厚牛舌飯　巨量廣島蠔味噌鍋｜炭烙｜北角

黎緊天氣又忽然超級凍，如果係日本嘅話，最開心係見到啲關東煮小店，食落暖笠笠超舒服，平時香港咁多日本嘢，唔知點解就係冇乜關東煮。

呢間門口細細嘅小店，入去日式環境超懷舊，嘢食都好似去咗日本啲街角小店咁。除咗有超多人鍾意嘅牛舌丼，趁天氣凍仲可以食下關東煮，仲有鍋物滾下滾下。

-
🥩爆葱牛舌飯 ($88)
真係鋪滿哂牛舌嘅丼飯，肉量黎講真係夠多，啖啖厚肉肥美，中間仲有溫泉蛋，海量嘅蔥中和膩感，鍾意食蔥嘅朋友一定超開心。

🍜薯蓉忌廉咖哩烏冬 ($68)
超濃厚嘅烏冬，一夾起掛哂汁，入口超滿足，不過冇乜配料，可以搭下串燒同關東煮食。

🥘廣島蠔野菜味噌鍋 ($168)
雖然唔記得數幾多隻，但睇片都見超巨量疊起哂，脹卜卜超鮮甜，仲有唔同配料，而且味噌湯底熬到超鮮濃，飲落非常舒服。

🔸關東煮 (大約十幾款任拼)
🥢厚燒玉子($12) 🥢魷魚餅 ($15)
🥢年糕福袋 ($13) 🥢芝士燒魚卷 (2件$15)
🥢炸豆腐 ($13) 🥢大根 ($12)
估唔到呢到仲有關東煮食，超正宗有埋關東煮鍋係到，湯汁鮮甜，煮到大根非常入味，其他配料索哂汁都超正。

🔸燒物
🥢牛舌芯 ($38) 🥢五花豚肉 ($18)
🥢雞肉京葱 ($18) 🥢雞翼 ($18)

-
炭烙
🗺️北角錦屏街23號東發大廈A座地下A號舖
📞9495 7216

生活