沾麵濃厚掛湯　蝦湯黑蒜濃湯拉麵｜旺角｜阿久根和牛拉麵屋

雖然拉麵有好多種風格同派系，但係香港最受歡迎嘅，睇返啲數據，正如其他菜式咁，始終都係濃厚嘅風格受歡迎，難怪咁多人都鍾意食沾麵。

係呢條成條都係餐廳嘅街，招牌林立，唔認真望下嘅話，真係唔覺原來有間拉麵係到，佢地門口細細，估唔到拉麵沾麵都做到足，湯底熬得認真濃厚。

-
🍜味自慢灸燒豚肉拉麵 ($85)
🍜招牌三色叉燒拉麵 ($138)
1️⃣湯底當日揀咗黑蒜濃湯，黑蒜極濃香惹味，一夾起真係撲埋黎咁，湯底都非常濃郁，包住每條拉麵咁入口，飲落都非常舒服。

2️⃣而三色叉燒分別係豚肉、雞肉及慢煮A4和牛，除咗三拼當然都可以單拼，最招牌嘅一定係慢煮和牛，入口真係半溶，滲滿油脂香。

-
🍝味自慢灸燒豚肉沾麵 ($115)
🍝慢煮安格斯牛小排沾麵 ($148)
沾麵分別都有黑蒜濃湯、濃厚味噌蝦湯同雞白湯揀，睇片都見幾咁濃厚，麵條掛哂湯，蝦湯再落埋櫻花蝦，成件事更加鮮濃，食完加湯飲埋超滿足。

🥟沖繩苦瓜餃子(4件 $48)

-
阿久根和牛拉麵屋
🗺️旺角廣華街13號廣輝大廈地下1號舖
📞23885468

生活