【VIVO V27評測】中階抵玩手機 丨高攝影能力中階手機 丨 夜拍能力極佳 丨柔光環攝影 VIVO V27 #VIVOV27 #VIVO #柔光環

又黎到Z世代達人嘅時間啦~ 主打性價比嘅VIVO，近日就推出咗中階手機VIVO V27，今日就同大家睇睇V27呢部手機帶咗啲咩野驚喜比我地啦~
今次VIVO V27外形真係比到驚喜我地啊~ 喺我手上就係VIVO V27嘅翡翠綠版本，手機背面會有玉石嘅紋路，比人有一種高貴典雅嘅感覺。
同時VIVO V27設有「光致變色」嘅功能，以我手上嘅VIVO V27翡翠綠為例，當手機背面受到紫外光照射嘅時候，就會搖身一變，手機背面就會變成墨綠色，真係好神奇架~
之後就睇睇VIVO V27嘅屏幕啦，VIVO V27設有6.78吋FHD+ AMOLED屏幕，支援120Hz更新率，而且仲有HDR10+ 屏幕認證，當睇支援HDR影片嘅時候，效果自然會好好多
到咗性能方面，VIVO V27採用咗天璣7200晶片，等我又試下用跑分軟件，睇下VIVO V27又有幾多分先
跑出黎嘅分數亦都唔錯，屬於中階手機嘅水平~ 過關啦
之後我又會試試實際打機嘅體驗又係點先，測試結果可以睇得出，玩遊戲整體大致順暢，FPS亦都好穩定，手機溫度都唔會太高
但當到咗戰鬥畫面嘅時候，就會有疾機嘅情況出現啦，可能需要降低遊戲嘅配置先可以順暢咁運作
睇片方面，播Youtube片當然就無問題啦，而播帶有走馬燈嘅新聞片一樣都係咁順暢啵，下邊行走馬燈完全無疾格嘅情況出現
最後就到相機方面啦~ VIVO V27設有5000萬像素嘅前置鏡頭以及主鏡頭，亦都會有800萬像素嘅超廣角鏡頭，以及200萬像素嘅微距鏡頭。
今次VIVO V27相機設有柔光環，再配搭埋Sony IMX766V感光系統，令到VIVO V27喺黑暗環境底下拍攝物件或者人物都有唔錯嘅表現~ 等我試試比大家睇睇
可以睇得出VIVO V27喺Sony IMX766V感光系統嘅加持下，夜拍表現相當唔錯，照片光度足夠之餘，同時相片嘅細節保留度亦都唔差。
亦都因為VIVO V27獨有嘅演算法關係，相片中夜晚嘅天空都好清澈，唔會有雜訊嘅情況出現。
等我又試多幾張夜拍比大家睇睇~
好啦~ 到日拍方面，VIVO V27表現同樣都唔差，相片顏色表現都唔會太重味精，相片嘅細節保留度，雜訊處理都有唔錯嘅表現~
等我試埋超廣角鏡頭以及微距鏡頭比大家睇睇
VIVO V27設有翡翠綠、雅緻黑兩種顏色，會提供12GB RAM + 256GB ROM嘅版本，售價會係HKD3598。
有興趣嘅朋友可以到VIVO嘅官方網站了解詳情~
希望你鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~