周末狂想：假如明仔可以成為MARVEL的。。。

假如明仔可以成為MARVEL的⋯⋯

隨著今年多套 MARVEL 電影上演，印証著漫威電影宇宙正式踏入第 4 階段，由元祖 AVENGERS 故事開展至多重宇宙及外太空，也代表有更多不同種類的超級英雄現身。假若明仔可以，會係⋯⋯

ALEX 明仔癖

假如可以成為 MARVEL 的其中一位角色，明仔細個係想做《X-MEN》中嘅鐳射眼（CYCLOPS）或者磁力王（MAGNETO），事關細個打 X-MEN 遊戲呢兩個角色出啲招都好型，都係死光型。

到而家有 MARVEL STUDIOS 推出嘅真人電影，令我對漫畫本身好似阿叔嘅奇異博士 DOCTOR STRANGE 改觀（BENEDICT CUMBERBATCH 勁），電影 VFX 亦令到 DOCTOR STRANGE 啲魔法型左好多，加上明仔本身由細到大都對魔法師有種莫名嘅著迷，可以嘅話想成為 DOCTOR STRANGE！

CURTIS 明仔癖

$tockman，Marvel的大股東

CHERIE 明仔癖

涅布娜（NEBULA）。演員 KAREN GILLAN 真人好 SWEET，《AVENGERS 4：ENDGAME》 入面的涅布娜精通軍事戰略、太空戰、領導、天文、航行，又唔洗洗頭、又唔洗化妝 ～_～

EELY 明仔癖

唔多留意 MARVEL 嘅明仔係咁多英雄中可能比較獨愛 GROOT 。主要係佢細細粒（未長大前），即使係嬲個時都好可愛，雖然淨係識講一句「I AM GROOT」，但每次講都會令觀眾爆笑。如果明仔成為左 GROOT ，雖然冇其他英雄咁型嘅超能力可以拯救宇宙，但能力越大責任越大嘛！所以做隻可可愛愛嘅樹人好似都幾好啊！

FAI 明仔PICK

梁朝偉（文武）

明仔想成為梁朝偉，啊唔係，係文武。

近排天氣雖然轉涼，但有陽光嘅時候依然非常熱，而作為SUPERHERO 好多時都要着盔甲、笠頭套，未出動已經成頭汗。敝除成日嬲嘅HULK，文武似乎已經係最少衫嘅角色，因為要着中袖，留返啲位比啲環，非常適合喺香港出沒。