東方日報C1：AI入侵娛圈搶飯碗　胡杏兒張家輝絕橋反擊

近年AI發展一日千里，短劇、影片， 甚至AI 藝人應運而生，有網民擔心人工智能將取代藝人工作，相關話題更成網上熱話。一眾藝人面對AI衝擊，普遍並不抗拒，更想出「妙計」抗衡，影帝張家輝爆友人玩「網騙」呃AI，胡杏兒亦指人與人之間的溫度， 可贏回焦點，關嘉敏與葉蒨文則覺得「真人騷」可鍊贏AI，各出奇謀大搞「人類反擊戰」！

人工智能（AI）於娛圈發展迅速，電影公司、電視台均朝着這個方向發展，古天樂旗下公司早前與科技公司合作，成功生成一條全新的測試影片，當中有「古天樂」及「劉青雲」的畫面， 與真人近乎一模一樣，故事亦有一定連貫性，足證AI在創作上愈見進步；TVB繼去年推出首部AI生成短劇《在我心中，你是獨一無二》後，今年將全力進攻，推出多部AI微短劇，當中包括《N-DAY 毀滅日》、《被出軌的人》、《社畜求生101》，其中《被出軌的人》已推出，劇中更起用3名新AI演員鄭卓丹、蘇莉、譚尹婷，TVB更為3位AI演員開設社交平台帳號跟粉絲互動，花盡心思吸人氣；導演王晶日前受訪亦承認計劃開拍AI電影，預備3 月在影視展作公布。

AI演員、作品來勢洶洶，網民都擔心會扼殺演員的工作，近日不少藝人都談及有關AI的問題，普遍對新科技不感抗拒，但當然亦有想對策抗衡，張家輝表示：「AI誕生係好神奇嘅事，我冇諗對同行有冇影響，反而係諗點樣去利用。我之前同朋友傾偈， 佢有個好特別嘅概念，佢話自己有同AI傾偈，喺AI身上好快得知好多嘢，但你愈同佢傾得多，佢愈理解你，佢會導向你做某啲嘢，所以佢開始同AI講大話，唔好畀佢太了解你，我覺得幾有趣。（新人機會會更少，因為可以由AI生成？）我都係相信，我鍾意睇人多啲，因為人嘅表演唔係一個數據化，唔係個規定嘅演繹，你有機會睇到一個人做得啱或者唔啱，都係一個人嘅表演，唔係AI咁根據數據，一定畀到個好準確嘅表演你睇。」

胡杏兒跟張家輝想法一致，覺得毋須太擔心AI演員搶飯碗，只是大勢所趨，但同時覺得AI難以取代真人：「我哋係有血有肉，大家一定會分得到，情感取勝。（如果想你授權肖像拍戲， 你會接受？）冇乜所謂，當然如果真係簽晒約，我都歡迎。」而向來多諗頭的鄧月平同樣不介意跟AI競爭，更笑言：「我可以反過嚟扮番AI，收番AI價，可能畀觀眾更有趣嘅感覺，同埋投資者能夠以開心價用到演員，可以雙贏。」

葉蒨文撐真人騷穩操勝券

至於早前憑《女神配對計劃》搶人氣的葉蒨文與關嘉敏，不約而同覺得「真人騷」演員的真實反應絕對可以鍊贏AI，葉蒨文表示：「我覺得真人騷係一個好好嘅市場，因為人類情感係AI唔可以取替，所以我覺得做多啲真人騷。以目前科技細膩度未去到咁勁，人係未輸，仲有生存空間。而且物極必反，好似時裝咁， 以前興過之後會再興，當AI充斥住呢個世界嘅時候，啲人會想要啲有質感、有共鳴嘅嘢，人又會返出嚟，冇一個絕對永遠，所以唔係太擔心。」關嘉敏認同：「人嘅靈魂始終冇嘢可以取代，以我呢種性格鍾意講爛Gag，但AI係唔會突然講一個爛Gag出嚟。AI係好方便、好用嘅嘢，真正去取代一個人，我覺得係好難，拍劇都可能可以用AI，因為有劇本，但對於啲冇劇本，例如綜藝、真人騷，冇辦法真正做到。」

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/