朱智賢極品外傭又出事　愛車遭整花

藝人朱智賢2023年宣布離巢無綫，結束10年賓主關係回復自由身嘅佢，轉做KOL後不時透過社交網分享生活點滴，而繼去年朱智賢自爆請咗位「極品」工人姐姐後，日前又透過社交網分享道工人姐姐洗車開車尾箱時，竟然整花架車：「話說今日姐姐幫我洗車嘅時候，佢話開車尾箱撼到上面，內心好心痛嘅我當然表面扮冇事。」之後，打算調整車尾箱高度嘅朱智賢，竟然又唔小心重蹈覆轍，唔小心再撼多次，令佢直呼：「我都無語了。」

此外，去年12月朱智賢曾連環爆Seed鬧過工作人姐姐：「今日簡直係開拓咗我三觀，工人姐姐問我『依家咩年代呀？唔俾用電話』 我想問香港有邊一個打工仔，喺開工嘅時候可以用電話？然之後再同老闆講以上呢番說話。」並直言工人姐姐態度差：「工人姐姐嚟咗一個星期，同我講佢好攰唔帶隻狗落街兼且態度差，你哋會點處理？」並分別回覆網友道：「真係諗住叫佢返鄉下」、「溝通中，真係好離譜！」、「Interview嗰時講到明照顧隻狗係主要工作，佢仲同我講自己好鍾意狗！」

東網網站 : https://on.cc/東網Facebook專頁 : https://www.facebook.com/onccnews/