成都活動現人海　「雞蛋控」任達華拍劇狂食

影帝任達華出名勤力，「五．一」假期把握機會搵真銀，專程飛往成都成品牌站台，瞬間搞到萬人空巷，不少途人雲集追星。有粉絲有幸與任達華作近距離接觸，忘不迭打招呼問候，獲他親切回應。而兩日一夜的行程他自言收穫滿滿，且打趣：「喺呢個特別日子，我雙手都一樣咁勞動，不斷抽獎同送禮物出去，好彩大家都好高興。本來我諗住抽啲時間去著名景點青城山睇吓嘅，嗰度出名綠化做得好，點知因為假期太多人，我好失望咁掉頭返番酒店食麻辣火鍋。」

其主演的內地劇《懸鏡》正在熱播中，其中一場食飯戲引來網民熱話。事緣劇情交代任達華與家人一齊用膳，拍攝花絮有男聲問他覺得雞蛋煮得如何，他第一時間搖頭拋出一句：「老了！」但卻依然食唔停口，最後更狂風掃落葉食清光，搞到劇組要即場再煮蛋，不少網民嘲笑這位「雞蛋控」身體反應最誠實，場面令人忍俊不禁。

東網網站 : https://on.cc/東網Facebook專頁 : https://www.facebook.com/onccnews/