簡淑兒做火辣人妻　曲線讚老公拍攝技巧好

簡淑兒大露背。

相當火辣。

時興表面踩老公曲線晒恩愛，吳若希自是表表者，而陳婉衡和簡淑兒亦是同道中人，尤其愛針對老公的攝影技術。為免玩出火，簡淑兒深諳一啖沙糖一啖屎的道理，之前講過「麥生嘅攝影技術好似進步咗，10張入邊都搵到有兩張in fo嘅」，不過踩完都要氹番吓，近日她在社交網分享了數張於海邊拍攝的照片，穿上肚兜裝展露玉背，變身火辣人妻，而拍攝者則顯然是揸飛機叻過揸相機的老公麥大力，簡淑兒看來對這輯相頗滿意，留言：「麥生最近嘅求生意欲好似強咗……定係……部x100 勁？」雖然暗讚老公攝影技術有進步，不過又不想他太過得意忘形鬆毛鬆翼，於是便歸功於攝影器材，果然女人心海底針，相當搞笑。