《風華背後》煞科紅星打成一片　汪明荃開香檳慶祝

邵氏劇集《風華背後》集合汪明荃（阿姐）、朱茵、蔡少芬、姜大衛、黃宗澤、譚俊彥、王丹妮等多位演員合作，雖然劇本有所改動，但經歷3個多月拍攝終於煞科。阿姐相隔9年再拍劇，劇組都好有心每逢她未埋位，都有張私家櫈仔讓她休息。

阿姐昨日（30日）在社交網上載多張台前幕後煞科照，並開香檳慶祝，又留言：「《風華背後》電視劇拍攝工作正式煞科！大功告成！希望明年中會播出！辛苦前幕後所有工作人員，演員，一個愉快的拍攝工作。」只見照片中劇組雖然巨星如雲，但彼此打成一片，相當融洽。

而高層樂易玲亦留言：「多謝《風華背後》台前幕後每一位工作人員，3個月的拍攝終於結束！大家都付出咗好多心血同汗水。辛苦晒每一位！🙏今日先嚟個小慰勞，好快就會正式同大家一齊食餐好，好好慶功！感謝大家始終專業又投入，期待劇集播出時，觀眾睇到我們嘅努力同誠意。」

東網網站 : https://on.cc/東網Facebook專頁 : https://www.facebook.com/onccnews/