《尋秦記》驚見譚輝智？真身竟為國家一級演員

藝人古天樂、林峯、宣萱、郭羨妮、滕麗名主演電影《尋秦記》票房驚人，截到1月7日下午5時30分，港澳累計票房衝破5,000萬，總累積票房50,074,930。當中「項少龍」古天樂曾揚言若票房數字再創新高，唔排除公開加長版上映。今次為豐富電影版，除有電視版原班藝人上陣外，又加插多個新角色，有網民就驚訝見到《中年好聲音2》亞軍譚輝智身影！

網友指僱傭兵之一嘅「Max」，跟隨「Ken」苗僑偉返秦代，Max與拍檔Chris Collins為發達而偷秦王古董返去現代，但最竹後死於秦兵之手。網友驚呼譚輝智出演「Max」，估唔到佢咁好戲又咁打得：「我都覺得似，但一時講唔出名」、「狄波拉好鍾意嗰個」好在有眼利網友認出「Max」出演者其實係內地演員吳樾。

吳樾背景其實大有來頭，曾參與電影《殺破狼·貪狼》、《寒戰II》、《葉問4：完結篇》等，更於2020年喺《第16屆中美電影節》憑《葉問4》獲年度最佳男配角。吳樾畢業於中央戲劇學院表演系，武術級別為武英級（國家健將級），現為中國國家話劇院一級演員。吳樾曾多次獲得全國武術錦標賽冠軍，精通多種武術器械與拳法。近年吳樾轉型成為影視出品人與投資人，致力於推廣以傳統文化（如京劇）為藍本電影，並積極扶持年輕動作片導演。

東網網站 : https://on.cc/東網Facebook專頁 : https://www.facebook.com/onccnews/