古天樂親證《尋秦記》有加長版　大爆原來有第3個結局

電影《尋秦記》成為全城熱話，身為總監製及主演的古天樂近日亮相網上頻道，大爆將會有加長版推出：「因為剪咗好多嘢走，例如同家人相處的情節，會豐富番觀眾覺得缺失的內容，例如善柔。」他又指有需要正正式式入戲院觀看：「要知道觀眾反應，知道加長版有咩位應該要加入去。」但就強調加長版要超過一定票房才會推出：「要票房過咗某個數字先，否則都未必出現。」有指暫時目標是1億港元。

而被問到戲中兩個結局較喜歡哪個，古天樂更再爆出其實有第3個結局：「第3個結局大家會覺得係一份延續」，透露其實戲中苗僑偉把接收器放在古天樂家中，是為第3個結局鋪排：「就係由呢度開始，其實仲有拍一幕，講我哋逃走時，佢收起一個接收器喺我屋企個旋轉木馬底，佢驚同伴作反佢就死，所以有呢個決定。」但就指即使有加長版，該結局也不會收錄在內，不過他就指故事將來或有可能與其他作品Crossover：「你哋以前睇過一啲戲，好經典嘅機甲角色，兩個世界會Crossover合作，不過有排搞，好複雜。」令人聯想是古天樂另一部作品《明日戰記》。

東網網站 : https://on.cc/東網Facebook專頁 : https://www.facebook.com/onccnews/