金像獎︱劉青雲獲太太做幕後軍師　Edan揀戰衣冇問林明禎

影帝劉青雲、呂爵安、谷祖琳等「一家人」齊齊行紅地氈，青雲被問到太太郭藹明未有同行，他笑言：「差啲畀你陰到添，太太依家深居簡出，但係幫我做咗好多嘢，喺幕後做軍師。」

青雲透露服裝與太太一齊揀，Edan被問到服裝是否與緋聞女友林明禎一齊挑選？他表示服裝是公司挑選。問到可希望再與青雲合作？Edan說：「好希望再合作，今次合作時間好短，但係都經常問青雲問題，前年喺Party度同青雲影相，之後竟然可以合作，覺得好奇妙。」青雲則說：「我喺度諗，會唔會有啲咩暗示，唔通我加入MIRROR，點知就拍咗套戲。」

Edan講到早前在《膠戰》騷中改編「韓國萬人迷」GD（權志龍）歌曲被網民批評，他希望大家可以輕鬆點，希望歌曲能帶給大家《膠戰》大家庭感覺，希望大家可以用欣賞角度去聽。」

東網網站 : https://on.cc/東網Facebook專頁 : https://www.facebook.com/onccnews/