林德信公開父女半裸共舞片　網民怒斥：個女第時點見人

歌手林德信（Alex）今年將重返樂壇並推出實體碟，同時又要湊住一歲多囡囡林明，雖然佢不時分享湊女嘅溫馨時光，但其育兒方式就屢次成為焦點。近日佢又再惹風波，佢upload同囡囡家中跳舞影片，見上身赤裸嘅林德信着住米色短褲，跟音樂節拍手舞足蹈，非常投入，而囡囡企喺前面亦有樣學樣，同樣只着上一條白色長褲咁跟爸爸擺動身體，雖然姿態可愛，仍即被大批網友留言批評林德信唔識保護阿女！

網民留言指摘林德信未有保障阿女私隱，有網民留言直斥：「個女好慘，2點盡露，第時點見人。」又有人認為林德信唔應該畀阿女身體如此暴露於公眾面前。有網民就立即提醒：「要保護小朋友」、「女孩子要保護好」並擔心此舉會影響女兒成長，搞到林德信尋日（19日）刪除影片平息事件。

東網網站 : https://on.cc/東網Facebook專頁 : https://www.facebook.com/onccnews/