方力申晒囡囡表情包餅印一樣　太太葉萱：我認輸

藝人方力申2023年認愛年輕14歲的圈外女友葉萱（Maple），去年情人節無預警下宣布已於美國結婚，獲得全城祝賀。之後又在父親節當日公布太太懷孕喜訊，至12月報喜囡囡Isla搶閘提早出世，一家三口幸福滿瀉。

方力申榮升爸爸後不時透過社交平台分享與愛女的日常生活點滴，昨日（19日）他分享了囡囡的趣怪表情樣，表示：「邊個話我個女似我㗎？今日初三赤口，冇出去拜年。喺屋企係咁望住個女，真係似我咩？唔似呀！似咩？噢，原來都真係似嘅。祝大家馬年行大運，闔家健康平安，萬事如意吉祥。」相中所見，Isla一時單眼藐嘴，一時瞪大雙眼、一時又嘟嘴賣萌，表情多多相當可愛，方力申與囡囡頭貼頭合照更十足餅印一樣，父女相十分溫馨，網民留言：「直情餅印一樣」、「似到十足十」、「堅似啊」，太太葉萱都留言：「我認輸」。

東網網站 : https://on.cc/東網Facebook專頁 : https://www.facebook.com/onccnews/