同舊愛有聯絡！郭子豪：唔好抹黑佢

「大隻仔」郭子豪最近被指搭上應屆港姐亞軍鄧卓殷（Amber），他們今晚到電視城出席慈善節目。Amber早前曾稱不介意同場合照，他們最終都有一起影合照。一身運動裝出現的郭子豪，對於被舊愛Karen指講大話，他說：「其實年初同佢分咗手，判決嗰朝凌晨有見過佢，之後都冇見，大家3年關係都已經係一家人咁！裁判後當晚我都有揸車去佢屋企樓下，傾咗個幾鐘多，佢一直有扶持我。（可會收錯資訊息以為你翻撻佢？）絕對冇！佢話我知已有追求者，大家係有個支持式嘅擁抱，再見亦是朋友，希望有個開心Ending，佢講嘅嘢唔知有咁嘅影響，唔好抹黑佢。（你咁維護佢會令新歡Amber身份好尷尬？）佢唔係新歡，係扶持我嘅教友，令我好舒服！」

對於與Amber合照一事，是否承認戀情？他說：「好似佢咁講啦，我呢半年發生太多事，屋企、竉物同私生活，仲有分手，種種壓力下，好幸運識到佢，帶領我搵神幫助，好感恩！（佢功勞咪好大？感情跨一大步?）冇諗呀！（你哋仲未肯公開？）未諗咁多。（轉地下情？）唔好咁講！」

東網網站 : https://on.cc/

東網Facebook專頁 : https://www.facebook.com/onccnews/