利雲度夫斯基：我聽好多人話如果多蒙特贏到冠軍，德甲會更好。我一直支持拜仁，我希望拜仁贏到並且證明佢哋係最好。

波蘭🇵🇱前鋒利雲度夫斯基最近接受訪問被問到點睇今季德甲冠軍，利雲就話「兩隊球隊如果有其中一隊犯錯，咁另一隊將會成為德甲冠軍。不過我覺得拜仁依家係正確道路。當然係過去幾個星期，有好多決定可能會影響到球隊，至於依家德甲爭冠軍緊張形勢對成個德甲都係好事😊。」

利雲又話「我聽好多人講如果多蒙特贏到冠軍嘅話對德甲會更好。不過我一直都支持拜仁同埋相信佢哋成為聯賽冠軍，並且向其他人展示出佢哋係最好😎。」

利雲最後就話「我永遠都會記得係拜仁慕尼黑經歷嘅所有野，我抱住感激嘅心情諗返起自己之前係慕尼黑嘅生活。我係德國住咗12年，當中有8年係慕尼黑，我係慕尼黑經歷同贏咗好多野，所以我永遠都唔會唔記得🥲。」