朗尼：我覺得曼城會徹底擊敗皇馬

前英格蘭🏴󠁧󠁢󠁥󠁮󠁧󠁿前鋒朗尼最近接受泰昭士報訪問，朗尼就話「我覺得曼城唔單會係歐聯擊敗皇馬，佢哋仲會徹底擊敗皇馬。當然，我有可能係錯嘅。因為係歐聯比賽，無咩邊隊球隊可以睇少安察洛堤帶領嘅皇馬，但我只係覺得曼城太正，佢哋好似就係另一個層次🙃。」

朗尼又話「皇馬係一年前呢個階段將曼城淘汰出局，但依家情況唔同晒。曼城係後防方面做得更加好，亦都係一隊更加有耐性球隊，佢哋好似係上季歐聯比賽吸收到教訓。但係，最大變化就梗係夏蘭特啦，佢先至係真正改變雙方平衡嘅球員。」

朗尼最後就話「你永遠都唔可以抹殺好似皇馬呢啲咁有經驗同歷史嘅球隊，但係我相信今年係屬於曼城嘅一年☺️。」