消息指文迪斯想簡些路以租借身份加盟巴塞

根據西班牙傳媒每日體育報消息，簡些路經理人文迪斯有興趣比呢位葡萄牙🇵🇹右閘以租借加買斷條款形式今個夏天加盟巴塞隆拿，而球員本人都願意加盟巴塞🙃

消息指巴塞希望簽一位閘位球員，但係佢哋會優先加強球隊其他位置。而維拉利爾嘅阿根廷🇦🇷後衛科夫成為巴塞簽閘位球員嘅首選，但維拉利爾希望收到6200萬歐元轉會，呢樣對於巴塞嚟講太難做到🥲

消息指簡些路唔會留喺拜仁，亦都唔想返去曼城，所以巴薩可能會係佢理想目的地。雖然拜仁有簡些路買斷條款，但係之前都有消息講過拜仁唔會買斷簡些路🥹