【新冠肺炎康復】鄧達智：返到屋企反而瞓唔好

香港時裝設計師鄧達智早前確診新冠肺炎，初步確診的他在家等足4日，才由白車送入院，留院醫治8日，期間藥物反應令他發燒發冷，十分辛苦，幸最後驗血報告身體出現抗體，沒有病毒，昨日終於出院，回元朗家休息，但他笑言回家竟然不習慣，他自拍的短片中透露：「返到屋企反而瞓得唔好，好神奇，可能習慣咗醫院嘅環境，所以返到屋企瞓覺情況唔係太理想，特別攰，除此之外冇乜其他嘢，雖然攰，係精神爽利嘅。」

他透露會禁足一星期：「盡量呢個星期會留喺室內，唔出去，因為我有抗體，證實冇病毒，我自己冇嘢，但人哋未必咁睇，會有另外嘅想法，我唔想引起公眾恐慌，我自己識做囉，無論乜嘢情況都會戴住口罩，唔會隨街走囉，唔出街食飯，唔同朋友聚會。」其同姓伴侶陳梓欣醫生較早前已完成隔離，較他更早回家，至於鄧達智僱用的印尼家傭則仍然在隔離中。

東網網站 : https://on.cc/

東網Facebook專頁 : https://www.facebook.com/onccnews/