阮小儀貼對戒照宣佈結婚 「多謝你令我下半場更精彩」
現年55歲的阮小儀於10月31日在商台最後一日直播節目《早霸王》。早前她與蝦頭、MayMay現身由彭秀慧主持的ViuTV節目《晚吹 - Chat KP》，提到曾跟出版社CEO拍拖7年，並已去到談婚論嫁階段，但卻被對方多次背叛，在她30歲時突然被分手：「每次戀情都輸畀第三者」。曾陷入焦慮的小儀，更一度覺得自己會孤獨終老。
阮小儀今日（12月25日）趁聖誕節在社交平台發放震撼彈，分享一張兩人戴著對戒的拖手照，寫道：「2025年 對我嚟講 係一個好年份。多謝你 令我人生下半場更精彩。🫶🏽🫶🏽🫶🏽🫶🏽🫶🏽🫶🏽 亦想與愛我的你們分享，多謝你們滿滿的祝福。🤍❤️🤍❤️🤍❤️🤍❤️ 聖誕🎄快樂」。小儀在帖文中沒有透露是否公開戀情或婚訊，亦未知她離職商台，是否因好事近有關。小儀向傳媒表示：「感謝大家的祝福❤️ 我沒有特別說話補充，因為都係同大家一樣，找到自己愛的和愛自己的人就足夠。知道大家會好好祝福我，感謝。願大家都喺普天同慶嘅聖誕節擁有愛與健康，享受生活中的每一刻！」
小儀在《晚吹 - Chat KP》中自爆，她不願單獨食晚飯、睇戲、睇演唱會：「夜晚嗰餐飯係一定要有個伴」、「我覺得（睇戲）嗰個moment，係要有個伴同我一齊，喺戲院一齊去經歷一件事，我覺得咁先至叫做睇戲，我到而家都係咁。」