Deep到落肚臍！廖碧兒真空晒八字波　心中激盪

日前到法國康城出席《世界影響力人士及網紅頒獎禮》嘅廖碧兒，密密喺社交網晒靚相，又拍片分享感受！今日（17日）凌晨佢開Live分享喺當地行紅地氈所穿嘅戰衣，佢着上超低胸紅色長裙，話係最鍾意嘅顏色，一試上身時已經愛上咗！見佢坐低時個V低到落肚臍，心中激盪，真空大晒八字波，而下身就中間超高衩露出美腿，上下開弓，高貴又性感！

佢又喺鏡頭前不斷搔首弄姿，一舉手一投足都好驚險，網民都話睇到驚佢走光！不過佢話其實好安全，「唔會走咗出嚟」！雖然難得去法國，但佢話唔敢周圍走，因為唔想中招，希望安安全全返香港咁話！

東網網站 : https://on.cc/東網Facebook專頁 : https://www.facebook.com/onccnews/