張敬軒曾借出錄音室給Dear Jane 免費兼包食宿

張敬軒補場紅館騷昨晚（13日）請來樂隊Dear Jane擔任嘉賓。

張敬軒補場紅館騷昨晚（13日）請來樂隊Dear Jane擔任嘉賓，合唱Dear Jane代表作《哪裡只得我共你》，High爆全場。軒仔於台上分享與Dear Jane兜兜轉轉的緣份：「佢哋開演唱會，自己好想去做嘉賓，但又撞咗期；上次邀請咗佢哋嚟做嘉賓，啱啱好就係煞停咗佢哋答應嚟做嘉賓嘅日子，好彩今次大家可以真正相聚。」

Dear Jane表示早已認識軒仔十多年，憶起往事都向軒仔表示感謝：「當時軒仔買錄音機嚟我哋band房，啱啱瞓醒個樣。之前有一個好靚嘅錄音室喺廣州，免費借畀我哋用幾日，準備埋食宿，三餐包晒！最特別係知我哋錄完音好肚餓，連宵夜都準備埋，五，六年前，我已經教佢哋隔離，真係好細心，好多謝你。」軒仔就話：「我係Dear Jane Fans 嘛。」隨後，Dear Jane表示帶備禮物送給軒仔，叫軒仔站在他們中間，然後四人一齊向他做心心手勢，軒仔開心大笑：「我好少畀四個佬咁樣，哈哈哈，好驚嚇，多謝晒，Love You too！」