被爸爸洪金寶催生女 洪天明：兩個夠晒數

洪天明與太太周家蔚今天（27日）帶同兩兒，一家四口到九龍灣參加親子活動，洪天明表示爸爸洪金寶每日都買零食給兩個孫仔，他說：「阿爸經常催我生個女，因為早前拍戲有個小女孩演員叫佢做爺爺，令佢好開心，要畀呢個任務我，雖然我都鍾意女，不過兩個夠晒數！其實都有計劃過，真係幾難搞，老婆豬年時曾想生個豬女，但機會過咗又話唔生喇，順其自然。」

對於亮相ViuTV節目，被網民形容是「奸細」，天明笑道：「我係屬於邊一面奸細先？其實我同TVB喺6、7年前已冇合約，覺得有適合節目就參加，『獎門人』曾志偉近年都冇搵我幫手，可能畀機會新人。」

洪天明表示已慰問剛做完手術的志偉，祝對方早日康復，他說：「希望佢唔使再咁辛苦，佢未返TVB前其實好Free，成日遲到，𠵱家要一早返工，成個人長大咗，責任心好強，我都問過佢點解咁辛苦，佢話唔想香港電視走下坡，想挽救做番啲嘢，我真係好佩服佢。」

（即時娛樂）