Gao@COLLAR獲補祝生日　爆有隊員送爆炸性大禮

女團COLLAR今日（11日）舉行成軍四周年簽唱會，吸引近千粉絲到場吶喊支持，7女以牛仔Look現身，齊齊露出小蠻腰，又唱跳唱兩首歌，和跟粉絲近距離玩兩個遊戲。而粉絲送上恭喜女團首奪「叱咤組合金獎」的橫額，成員Winka收到後感動到拭淚，大會又為慶祝女團成軍4周年及補祝隊長Gao沈貞巧於1月7日33歲生日，特送上大蛋糕，又令Gao眼濕濕。

COLLAR 接受訪問時，Winka稱喊的原因是看見Gao的眼神：「因為咁快就4周年。」而同樣喊的Gao就話經過上一年經驗，心理已有調整，就是令自己不再哭成淚人，看見粉絲送給她們的兩張卡時，內心特別感動，又謂組合金獎已是她最好的禮物，同時感激所有人：「以前生日都係碰正考試周，所以冇人同我慶祝生日，但係依家年年都有咁多人同我唱生日歌，係好開心同感恩。」

談到Gao在台上預告有隊員將送令人原地爆炸的大禮，問是否Marf宣布嫁人？Marf即問是否傳媒為她準備嫁妝，其後又否認要結婚，Gao表示2，3日後自有分曉：「係有成員開 Solo Show。」

問到所屬公司傳重整架構？Marf直認：「係呀，每間公司都有高，中，下層，我哋就最下層，都冇乜影響，反而覺得重整仲有機會重新再向高層訴求一次。」問到是否想加人工？7女表示當然想，要為自己團體謀福利。

提到ERROR成員193跟經理人「炒大鑊」，女團可曾跟經理人吵架？Marf表示：「梗係冇啦，只有佢鬧我哋，只有1，2次，不過都係講道理。」其他成員補充都是用綿羊式方法笑住鬧成員，Winka更謂團隊很愛錫女團，給予很大自由度：「好似身材管理咁，佢哋唔係好尊格，因為知道管唔到，同埋網上甫乜都冇問題。」

曾和193傳緋聞的Candy更謂因工作忙，沒留意193的新聞，其他成員幫口話兩人不太相熟，Candy續說：「同佢只傾嘢食，我鍾意食瘦叉燒。」芯駖又說工作忙到連女團約食飯的承諾也未兌現，加上之前成員輪流病，所以待全員身體康復後再約食好嘢，之前想舉行船P，又因天氣太凍，容後再搞。

再問可留意其公司推出由沈殷怡（Shirley）及34歲徐㴓喬（Asha）組成全新限定女團「PAWS」，可會向「師妹」傳授心得？Marf卻謂：「知，佢哋好Cute 又索，佢哋係師姐先啱。」芯駖就覺得多隊女團不會對COLLAR構成威脅，反而有正面影響：「大家一齊多工開，加上大家又唔同路線。」

又講到在澳門舉行的選秀總決賽中，可和古天樂見面，還唱了電影《尋秦記》主題曲，芯駖表示：「我唱錯歌詞先。」Gao就話：「古生話咩就咩啦。」其他成員亦笑說經常唱錯歌詞，笑言要搞懲罰制免重複犯錯，可有向古天樂自薦拍電影？7女指當時古天樂很忙，感謝對方任評審，及在韓國女團成員少女時代的孝淵面前表演很緊張，但可在她面前呈現香港女團的水準。

東網網站 : https://on.cc/東網Facebook專頁 : https://www.facebook.com/onccnews/