曾展望去年豐收但唔知搵幾多　何沛珈嘆冇人追

藝人曾展望與何沛珈晚上在尖沙咀為慈善晚宴擔任司儀，兩人雖然合作機會不多，但卻一拍即合，不時鬥嘴，相當有火花。曾展望透露對稿時何沛珈教了他幾招怎樣做一個好司儀，何沛珈笑說：「大概講咗廿招。」曾展望謂：「我學到一招已經夠搵食。」她則笑指指合作後直言轉數不及曾展望，難怪由3歲到80歲的女性也冧爆他。

最近宣布回復單身的何沛被問到可會趁晚宴留意心儀男士？她笑說：「今日專注喺稿度，今日嚟做嘢，唔諗其他嘢啦。」問到最近可有人追求？她笑說：「冇喎，自己追自己，追跑步嘅PB(個人最佳紀錄)，嚟緊跑馬拉松10K，但係好耐冇練，時間比以前慢好多，完成已經覺得可以。」曾展望則笑說：「啱㗎喇，唔好跑咁快，跑咁快好難追。」

近期工作多多的曾展望被問到是否要為業績追數，還是已經一早爆數？他則笑說：「我做嘢都唔睇錢嘅，為興趣、為理想。講真今年係豐收，咁多人支持，多咗工作，但係都唔知自己搵咗幾多錢。」

東網網站 : https://on.cc/東網Facebook專頁 : https://www.facebook.com/onccnews/