方力申晒女兒「餅印樣」　自爆想「生夠4個」

方力申（Alex）與太太葉萱（Maple）上月正式榮升爸爸，迎來女兒Isla。成為新手爸爸後，小方不時在社交平台分享湊女點滴。

方力申昨日（15日）上載一段湊女短片，片中可見他親自為女兒餵奶、掃風及哄睡，動作熟練。他亦在帖文中透露，太太對其陪同入住月子中心的安排相當滿意，更談及日後生育計劃。

方力申寫道：「Maple話佢做嘅最好決定係無痛分娩，而佢話我做嘅最好決定，就係頭一個月一齊住月子中心。一來佢可以專心坐月，二來可以俾我學習做新手爸爸。佢話只要繼續有呢兩樣嘢，可以生多兩個。跟住我話，咁不如你諗多一樣嘢，就生夠四個喇，講笑啫，我係冇講出口嘅。」

不少網民留言表示方力申「基因強大」，直指「父女簡直同一個樣」、「哩個樣100%係方力申🤣勁爆可愛！」，亦有人稱「Isla好似爺爺，方家三代是同一個樣」、「契爺爺一定係石修🤣🤣🤣」。另一部分網民則討論下一胎性別，有人留言：「下胎一定生男仔，會似媽咪！」

方力申去年情人節宣布與拍拖兩年多的圈外女友葉萱結婚，其後父親節公布即將成為爸爸。女兒Isla於去年底出生後，他陪太太入住月子中心坐月，期間學習照顧初生嬰兒，完成坐月後已回歸工作。