陳家樂夾Band團火未熄　Gin Lee想識鼓手男友

藝人陳家樂與李幸倪（Gin Lee）晚上到麥花臣場館欣賞《起勢夾Band Combat Show》，家樂除了是觀眾身份，原來早前亦「重出江湖」以結他手身份參加這個比賽，不過已經出局，他說：「以前有夾Band，但係已經10幾年冇彈，本來想搵返以前隊band參賽，但係冇人肯出嚟，所以臨時拉夫組咗隊band參賽，第二round比賽好記得係8號風球，諗住實唔使比賽所以好輕鬆，點知繼續，上到台好緊張，後來聽返評語話我緊張到好似一碌木咁。」家樂雖然落敗，但稱對夾Band團火仍未熄滅，會好好努力練習結他。

Gin Lee入行前已經與父母家人夾了7年Band到處表演，直言為現在的音樂路打下基礎。早年開演唱會已經試過與家人一起上台夾Band，希望將來開騷可以再有機會。由於爸爸是鼓手，她覺得鼓手特別有型，自己也想學打鼓，問到可希望結識個鼓手男朋友﹖她笑說：「識我爸爸就得，爸爸會教我。」另外，泳兒悉心打扮以露背裝出席，十分省鏡。

東網網站 : https://on.cc/東網Facebook專頁 : https://www.facebook.com/onccnews/