巨型罕有法國藍龍蝦 海鮮蒸氣刺身套餐　鮑魚櫻花蝦芝士烏冬｜天后｜虎嘯日式蒸氣海鮮刺身專門店

我都想問大家，如果鍾意一間餐廳，多數會隔幾耐返去食一次。有睇開都知我成日黎呢間食，可能有人以為會悶，但其實呢到經常會轉新海鮮，而且應該得呢到先食得齊呢啲海鮮，啱哂海鮮成癮嘅朋友黎。

雖然出邊市道麻麻，原來佢地已經爆足一週年，星期五六日都仲係爆滿。最近週年慶又轉咗啲新嘢，仲有再升級加大，藍龍蝦變珍寶藍龍蝦，招牌芝士烏冬落埋鮑魚再加大。

-
🦞[新]巨型罕有法國藍龍蝦 海鮮蒸氣刺身套餐 ($598)
全Set 21品，主打罕見稀有海鮮，應該係全港唯一走日式Style，最近佢地一週年慶，除咗升級加大，又轉咗啲新海鮮，仲多咗啲限定Sake。

🔸餐前小食
🔸刺身頭盤
🥢花龍蝦刺身 🥢加拿大象拔蚌
🥢北海道帶子 🥢法國銀鱈魚
🥢醬油洒漬赤蝦 🥢北寄貝 🥢吞拿魚赤身
剩係刺身盤已經超足料，依然保留龍蝦刺身，連象拔蚌、銀鱈魚都有，而最愛嘅都係醬油赤蝦，真係鮮濃入味到極點。

🔸[珍寶Size]法國藍龍蝦
藍龍蝦本身已經矜貴罕見，而家仲要係珍寶Size，比起以前特別大隻，游水新鮮上枱仲識郁，蒸起滴哂鮮甜肉汁，超嫩超鮮甜。

🔸[珍寶Size]蘇格蘭刺身級帶子
🔸鮮活北海道北寄貝
🔸時令海蝦
🔸一夜干石特魚
🔸山椒醬油白鱔
珍寶嘅仲有刺身級帶子，原隻未去殼果陣有成12cm。新menu仲有北海道北寄貝，其實呢到大部份海鮮都鮮活，但呢款係可以做刺身果種，蒸起鮮甜到連汁都啜埋。

🔸[份量升級]鮑魚櫻花蝦芝士烏冬
自家調較嘅拉絲芝士，一向係呢到招牌，而家最新加入埋鮑魚落去，連同櫻花蝦鮮味滲入烏冬，就算升級加大份量，包滿芝士都係鮮濃唔膩。

-
🔸日式京葱醬油配本地地雞
🔸每天手打鮮製蝦滑
🔸每天手打鮮製墨魚滑
🔸新鮮野菜盛合
🔸藍龍蝦海鮮精華日式雜炊
放入藍龍蝦頭熬煮，加埋上邊全部海鮮精華，滲哂落去粥底，再用味噌調味，啲鮮味真係填滿哂口腔。

🔸日式甜品 - 芝士蛋糕 (生日慶祝有畫碟)

🍹自家煲煮洛神花茶 (另叫)
🍶海鮮配搭限定Sake (另叫)
最新仲多咗啲Sake選擇，都係特別挑選過，去配搭海鮮嘅鮮味，而且定期都會有啲限定款。

-
虎嘯日式蒸氣海鮮刺身專門店 @koshuo.hk
🗺️天后電氣道54號亨環天后5樓
📞28871028

▼Follow foodiegogoooo
Instagram: https://www.instagram.com/foodiegogoooo/