將軍澳好去處｜免費任玩空中飛索+旋轉滑梯　絕美夕陽海景！寵物友善商場

將軍澳南嘅朋友，你哋期待已久嘅好消息終於到啦！作為完善社區配套嘅重要部分，將軍澳南公園已經正式開放俾公眾使用！🛍️ 隔離嘅 Ocean PopWalk係一個寵物友善商場，集合餐廳、娛樂同購物，週末定期有精彩活動，等你可以由朝玩到晚！

Ocean PopWalk週末會舉辦唔同活動，例如🎡 Full of Love Carnival 遊樂園，4大經典遊戲等你挑戰，小朋友仲可以體驗「小賽車手」快感；🎨 綠遊生活祭，搜羅各式文創飾品，有小朋友手作工作坊同身體彩繪，啱晒文青家庭～；🍜 享樂花見賞，邊食邊玩，消費仲可以賺高達 HK$100電子券回贈；🚲 Tokyobike 日系單車遊，可以租部文青風格單車，沿住海濱長廊同新公園悠閒踩車，吹住海風超舒服；📷 戶外海景打卡位，多間海景餐廳設戶外座位，可以帶埋毛孩一齊歎美食兼打卡，真正人寵共樂！🎵 Chill Out Busking週末仲有街頭音樂表演，可以 chill 住聽歌，享受悠閒氣氛～；🧧 寵物賀年工作坊，可以親手為主子整賀年小食，仲有福袋換領，充滿節日氣氛！

將軍澳南公園佔地超過 38,800平方米，唔單止係一個普通公園，更係一個集冒險、運動同休憩於一身嘅大型遊樂場！🎠

園內設施多到玩唔晒，包括：
🏖️ 沙池區
🪀 鞦韆區
🛏️ 彈床區
🚡 空中飛索區（仲有12米長飛索！）
🎢 超過9米長嘅旋轉滑梯
🚴 單車徑
…等等，無論大人定細路，都可以盡情放電！⚡

🌅 公園仲有一個絕佳觀景位—— 將軍澳最靚中央平台，擁有 180度全景視野，可以遠眺將軍澳跨灣大橋，無論係睇夕陽定夜景，景觀都一流！而且平台位置就喺 Ocean PopWalk 商場旁邊，食完飯行過嚟吹吓風、影吓相，輕鬆捕捉藍天白雲同無敵海景！📸🌉

將軍澳南街坊，今個週末唔使諗去邊啦！一於去Ocean PopWalk食飯、參加活動，再過去全新公園玩足全日，享受一個充滿活力又寫意嘅假期啦！👨👩👧👦🐕💕

▼Follow Outsider Magazine
Instagram: https://www.instagram.com/outsider.mgz/