周慧敏上海騷被翻炒　遭狠批唱功驚嚇甩Key唔夠氣

歌手周慧敏（Vivian）3月時於上海舉行演唱會，並邀請曾比特（Mike）任嘉賓，二人首次舞台上合作即獲好評，當時佢哋都互笠高帽嗌享受舞台，點知當日表演片段忽然再次被網友翻炒，當中二人合唱《流言》一幕更被網友瘋狂評擊，力斥女神周慧敏唱得差。

有網友上載片段，留言：「一直都知道周慧敏係偶像派歌手，冇難度嘅歌都駕馭到好好，但呢首《流言》未至於會差成咁啩🥹」片中見周慧敏氣息不穩、喉嚨沙啞，狀態確係唔太好，加上甩Key走調等問題，唔少網友都唔畀面留言大踩「不如唔好再唱啦😓」、「好心放過大家啦」不過亦有網友指出女神喉嚨沙似唔舒服，發聲都好似好辛苦咁，有粉絲更表示周慧敏由2018年開始已經係咁樣，疑似身體狀況出現問題，未知係咪要休養，所以今次已經係佢最後一次巡唱。

東網網站 : https://on.cc/東網Facebook專頁 : https://www.facebook.com/onccnews/