Summer Girls丨32歲張育玲是選美常客自覺跟21歲Baby梓：睇上去差唔多大

32歲張育玲是選美常客，自覺跟21歲Baby梓：「睇上去差唔多大。」

香港開電視特備節目《Summer Girls 2022》的14位參賽者中以32歲的張育玲（Kathy）年紀最大，而最年輕則是21歲的馮靖茵（Baby梓）。比賽常客的Kathy曾參加過ViuTV的《造美人》及鍾培生擂台戰的女子組參賽者，她坦言：「我真係好想入行做幕前，所以有比賽就參加。（你年紀最大會輸蝕？）唔會，其他參賽者同我差唔多年紀啫，唔會太大影響，年齡只係數字。」

Baby梓表示面對眾多比自己年長的姐姐也不會有壓力，反而因為年紀細而令大家照顧她，她說：「有人照顧我好開心，如果我年紀大啲做乜都要好獨立，我會覺得好孤獨無助。」在旁的Kathy即尷尬表示，自己沒有孤獨無助感覺，問到兩人有否代溝？她說：「我冇，睇上去我哋差唔多大。」