劉溫馨孖男友行美食節被捕獲　喪食「水果之王」自封「榴槤馨」

藝人劉溫馨（Virginia）和「星二代」男友龐景峰（Andrew）拍拖快兩年，平日除愛齊齊做運動及遛狗外，原來更愛孖住四出覓食。近日有網民偶遇兩人現身灣仔會展美食節，未知是否現場人頭湧湧，所以全程未有拖手，又指兩人主力揀選馬來西亞榴槤產品，有工作人員見明星光臨，立即前上招呼，殷勤介紹其檔位所推銷的榴槤產品，Andrew警覺性頗高，見有人舉機拍照，即偕女友閃走，似怕被人發覺愛重口味生果。

不過Virginia將喪食榴槤的短片分享到社交網，食榴槤時更笑到見牙唔見眼外，又試飲了榴槤咖啡及試食榴槤蛋糕，更封了自己名為「榴槤馨」，似乎對馬來西亞「水果之王」愛不釋「口」。

東網網站 : https://on.cc/東網Facebook專頁 : https://www.facebook.com/onccnews/