李芷晴低胸搶Fo　「怕醜仔」Jacob咁樣冧掂女神

無綫戀綜《女神配對計劃》周日（6日）輪到李芷晴（Stephanie）與組員進行「三角枱約會」，憑吊帶白色低胸晚裝裙贏盡焦點，的Step，新一集中繼續無限量放送「女友力靚樣」表情包。Step組的3位求愛勇士分別為年薪逾80萬的「怕醜仔」金融分析師林焌堯（Jacob）、陽光型保險經紀劉偉強（Isaac），及貼心西裝店老闆陳昇（Jaden）。

3人追女仔方面先天勁不足的「怕醜仔」Jacob最為搶焦，全程製造勁多Dead air，還數度拒絕迴避女神視線，Jacob更一度嘗試唞大氣「儲氣」發言，可惜最終卻極速洩氣繼續頭耷耷。但未知是否含蓄表現夠清純，Step對Jacob似乎頗為受落。

Jacob雖然追女仔零板斧，但憑真心及努力取勝，事緣Jacob知道自己入Step組後，竟認真地狂煲她在《愛‧回家之開心速遞》中的戲份，還大讚Step飾演的Elaine好好睇，令Step大為Impressive。Step更因而自揭：「Elaine其實應該係有八至九成都係我嚟。」

之後為Step改「情侶匿稱」環節，原本率先答題的Jaden及Isaac已給出了極冧滋答案，豈料威力卻不及Jacob的「楊枝甘露妹妹」，原來靈感是來自Step《愛》其中一個角色。對於Jacob為了自己狂煲《愛》，Step坦言很窩心：「可能其他人係未必知我有個咁嘅角色，嗰吓我會覺得係『得我一個知道你講緊咩』，我就有啲心動，我會覺得：『嘩！點解你會記得嘅？』…佢真係有留意李芷晴嘅嘢，我有嗰種被放咗喺心上嘅感覺。」被Jacob的真摯、傻氣及靦覥深深吸引的芷晴，飯局期間還一再為對方打氣，互動相當甜蜜！

3人之中，以Isaac最為積極，在Jacob的Dead Air時間多番「執漏」向Step主動提問，除了大拋自己對Step的了解之外，又技巧地問一些會氹到Step的問題，追求手段高超，可惜卻反而被Step扣分：「Isaac嗰種Aggressive又唔係咁舒服，會有少少扣分。」

最後製作組竟想到要Step蒙眼測試3位求愛勇士膊頭的「好瞓度」！面對如此親密接觸，「怕醜擔當」Jacob自然硬晒軚兼再度化身「比薩斜塔」，但原來Jaden及Isaac也一樣怕醜，前者嚇至傻笑兼「紅都面晒」，後者則被發現「震過貓王」，相當搞笑。

東網網站 : https://on.cc/東網Facebook專頁 : https://www.facebook.com/onccnews/