【武漢肺炎】王維基成功買口罩機加物料 HKTVmall網上跟進情況

武漢肺炎繼續全球擴散，香港政府採購失敗招標得啖笑，香港人繼續一罩難求。不過HKTVmall近日就在facebook不停出post直擊員工四出搜購口罩過程，而最近消息係老闆王維基早前更飛到台灣買製造口罩機器及原料，希望可以在香港自行生產。

文中以「R 小隊」形容，負責的「一個新project」就是到台灣買口罩製造機，不過長文中亦提到連續去了多間供應商，發現口罩機都全數賣出，最後以高價20萬美元收到一部原價約5萬美元的口罩機，同時亦買到部份口罩製作材料。不過口罩機下月才到，製作地方及廠房仍要符合標準，所以暫未能開廠生產，最後留言：「R小隊堅持，香港人係永不放棄嘅！只要堅持，我哋相信，所有問題都有解決嘅辦法！」作為香港人，期待有新消息啦！

全文：「😷【HKTVmall 尋「罩」他鄉的故事：R 小隊反轉再反轉篇】✈ (又係，長文慎入) ． 相信大家近來最忙嘅，係搵口罩搵消毒用品搵米搵廁紙😩⋯我哋做咗個小統計📊，由今年1月至前日2月5號)，原來 HKTVmall 已經向超過 64,000 個客戶，賣出咗超過 450 萬個口罩啦！😱 好啦，上回講到 A 小隊去咗東南亞國家撲口罩😷，咁⋯阿老細又有咩搞作呢？🤔 ． 💬〖事緣〗 農曆新年前🧧，新聞已經出現新型冠狀病毒嘅新聞，市面上開始出現搶購口罩潮🏃🏻‍♂🏃‍♀。當 HKTVmall 買手們四出搵口罩賣，我哋覺得咁都係治標唔治本🤦‍♂。於是乎，公司「有人」😎成立「R 小隊」，負責一個新 Project！💪 雖然假期時佢身在海外🏝，但都好擔心香港嘅情況😥；當時大家都講緊，香港人要有本地嘅口罩生產缐😷。於是 R 小隊開始做資料搜集，搵吓全球邊度有廠有造口罩嘅機器賣。當日嘅名單有台灣同印度嘅 30 間公司，R 小隊打算逐一拜訪。✈ 唉⋯原來印度簽證要 72 小時前申請😩，所以決定第一站先去台灣✈。R 小隊嘅主要成員喺2月2號中午返港落機🛬，當晚就直飛台灣🛫，用兩日時間拜訪5至6間已經約好嘅供應商。🤝 ． 🧳〖香港 ✈ 台灣 〗 📍第一站：本來約好第一間供應商見面，順便睇吓 Demo 機。滿心歡喜嘅 R 小隊去到，對方話機已經賣咗啦 (吓?! 😨)，而訂機最快要兩個月先有貨😭！但對方都好有心幫忙，佢手頭上有一部機係其他客人留起咗但未覆實，可以幫我哋問一問對方🗣。既然如此，R 小隊唯有黯然離開啦～😔 📍第二站：R 小隊又滿懷希望咁去到第二間供應商😃。吖～點知晴天霹靂⚡，去到發現連本來可以睇吓嘅 Demo 機都賣埋😱！仲要講明無可能短時間內俾另一部機我哋🤦‍♂⋯OMG⋯可能我哋個樣實在太失望啦🥺，對方唔忍心見到我哋空手而回，就介紹咗一個相熟嘅物料供應商俾我哋。由於距離下一個會仲有幾個鐘頭，唯有飛車去呢個物料供應商嗰度搏一搏啦！🚕 📍第三站：呢次皇天不負有心人啦✌，對方話可以賣一批有實驗室認證嘅 Filter (即係口罩中層，作為屏障阻擋病菌嗰層) 俾我哋，足夠製造 100 萬個口罩🤩！佢仲細細聲講🤫，台灣政府已經同佢哋討論緊，限制口罩物料出口㖭呀😱。喺香港水深火熱嘅情況下，唔駛多講，我哋即係拍板入貨！📦 📍第四站：已經係2月3號下午 3:00 啦，飯都未食但仲未買到造口罩嘅機器設備😭，帶住又失望又徬徨嘅心靈，終於去到下一個供應商啦🏭。呢間供應商嘅報價係最貴嘅，但真係唔計較得咁多😠。但係，去到之後，又遇到同一個問題：部，機，已，經，賣，咗！😫係，又俾人捷足先登啦陰公⋯😭 📍第五站：R 小隊抹乾眼淚之後🥺，喺天漸黑嘅情況下，繼續今次嘅行程，去見最後一個供應商。平常一部價值 5 萬美金嘅口罩機器，今日已經升價雙倍，要 10 萬美金‼眼見終於有機會買到口罩機，R 小隊霸氣向供應商開出條件，如果願意出雙倍價值，20 萬美金可唔可以確保喺 30 日內交貨💰？人命攸關嘅情況下，快到一日得一日！對方話要考慮吓⋯😣 失望之際😞，喺搭的士返酒店途中，我哋收到剛才個供應商電話，佢回覆我哋：20 萬美金 + 30 日內交貨，成交🤝❗阿媽我哋得咗啦🎉！立即俾一半價錢即係 10 萬美金落訂💵！咁一個月後就有機器，係咪就可以自己造口罩啦？！🤩 其實件事「笨」唔係咁簡單😦⋯個實情係，我哋唔知道外國政府會唔會停止機器及原材料嘅出口🙅🏻‍♀，而我哋本身又無防污染廠房 (Clean room)嘅專業知識，又唔知可唔可以攞到實驗實認證⋯🤦‍♂ ． 就喺呢個飛去廠睇 Demo 機但部機都被人賣咗😣，買到部機又唔知送唔送到過嚟🤦‍♂，假如送到過嚟又唔知搞唔搞得掂間合資格廠房🤷‍♂嘅情況之下，處處充滿住超多不明朗因素。但 R 小隊堅持，香港人係永不放棄嘅😠！只要堅持，我哋相信，所有問題都有解決嘅辦法！💪 今次就報告住咁多先，有新嘅進展，必定向大家報告！🙏」