貝依霖爆未成年被人夫追 對方出雜誌有靚女歌手老婆
杜汶澤喱騷的網台節目《港女又萬歲》開播，第一集在YouTube免費足本睇，而第一集就由田蕊妮、蝦頭(楊詩敏)及貝依霖做主持，嘉賓有吳浩康、Phat@24味及Sammy@KOLOR。主題是男人出軌，而貝依霖就自爆在14、15歲時曾被一位人夫追，網民從她在節目中提到的資料估計，疑是當年搞雜誌的倪震。
網民估對方是周慧敏老公倪震
節目尾段田蕊妮提到男人有外遇被發現都會回到老婆身邊。這時候貝依霖就沒有開名自爆：「呢句說話我聽咗十幾年，十幾年前開始已經有男人同我講，就係同我老婆有啲問題呀。嗰陣時有一個都約咗我出嚟，想簽我去佢間雜誌，跟住俾人影到，上咗雜誌封面。佢老婆開緊演唱會，嗰時我得14、15歲㗎啫，佢都係咁同我講嘅，佢話『呀，我老婆好靚女，我好愛我老婆，不過佢已經係我屋企人喇，我同佢得返感情，唔係愛情。而我覺得你bla bla bla……』呢個係我十幾年前，到最新認識嘅過嚟同我講，依然係同一番說話，呢番說話我聽咗十幾年喇！」吳浩康聽到之後就表示：「I know who.」而網民就留言估是《Yes!》雜誌創辦人、周慧敏老公倪震。
追溯年份，貝依霖14、15歲時即大約是2008、09年左右，而倪震在08年就被指偷食城大校花張茆，09年初突然和周慧敏「閃分再閃婚」。
留言 25