林海峰主持《晴朗》22年　首度請病假︰難過中金多寶

林海峰主持商業二台晨早節目《在晴朗的一天出發》已經22年，昨日（24/12）發生節目啟播以來，一大新聞，就是主持之一林海峰請病假。原來林公子是患感冒，向來帶病都上陣的他，因為今次形容「條聲帶爛到不能再爛」，為免聽眾聽到後去信廣管局投訴，決定請一日病假。而他本人亦不知道此舉破了他22年的處子之身︰「收到呢個消息係咪要慶祝下？假假哋點都做塊亞加力牌賀賀佢，紀念佢破我處子之身，上面就寫『WT FLU!』」

於24/2朝，大家扭開收音機聽不到林公子的聲音，似若有所失，然後在傍晚時候，他自行在社交平台交代病情：「呢兩日如果有人見我仲運動咪留言話我詐病請假，感冒已經好得七七八八，一時又六六七七狀態OK 咁la ，所以仲行得走得出吓汗。」行得走得，亦回復精神，奈何聲帶太爛難發聲，所以決定破例請病假。有趣是告知公司請病假後，全台震驚覺得好大件事。「屋企人問係咪加人工？我話難過中金多寶！大件事係原來電台校長話今次係我22年嚟第一次晴朗請病假喎！」

林海峰由2004年開始主持《晴朗》，現年59歲的他也有感而發︰「講講吓都講到差唔多到退休年齡，雖然晚晚臨瞓都有認真諗下半場點打去邊打，但結果天未光起身就會同自己講，話如果仲有人聽，如果仲唔炒，如果仲有福份可以為呢個地方嘅每朝早做一啲啲，我係仍然好享受繼續在晴朗的一天陪大家出發！」最後，他祝大家身體健康！又表示今次帖文寫特別多字，事緣醫生叫他盡量少講嘢，所以唯有打多啲字。