貝依霖涉推廣非法賭博保釋候查　不滿個人照被亂用：長輩勁擔心！

藝人貝依霖（Chantale）因涉嫌「推廣或便利收受賭注」被警方拘捕，現正保釋候查，須於12月中旬向警方報到。不過警方日前公開涉案KOL個人照，其中同貝依霖泰國打卡照相同，引起網民熱論。

Chantale得知消息後就係社交網發火大呻：「點啊世界盃又關我事，又放落我啲相度，嗰啲咩尼古丁煙仔啲相又要放喺我張相度，不如全世界嘅事都關我事啦，跟住人哋啲對話Cap走晒個名，又擺落我個大頭度，全部嘢都寫到關我事，搞到啲長輩勁擔心，係咪唔拉Banner我啲性感相新聞就冇人睇？就算講緊其他人、其他嘢都要放我大頭相。」而佢呢幾日佢都Keep住有更新社交網，凌晨4點更貼出打邊爐嘅相，又表示：「實在太多訊息，大家畀少少時間我逐一回覆。」

東網網站 : https://on.cc/東網Facebook專頁 : https://www.facebook.com/onccnews/