港姐亞軍出身的陳淑蘭（蘭子）去年6月公布媽媽離世消息，當時更在社交平台貼出過去跟媽媽的親吻合照，母女關係極好。就在媽媽離世近一年，蘭子近日就在專欄中自揭在媽媽離世前幾個月才得知自己不是媽媽親生女的故事，多謝媽媽多年來的養育之恩。
據知蘭子的媽媽在老年患上腦退化症，對很多事情已經記不起，在專欄入面蘭子提到媽媽離世前幾個月突然跟身邊人表示蘭子的親母是否已經回來，擔心蘭子不再理會自己，當時蘭子以為媽媽是因為腦退化產生幻覺，直到後來去驗DNA，才發現自己跟媽媽根本沒有血緣關係，更得知自己在三個月大時被媽媽抱回家收養，一直將她養育成人。
蘭子在專欄心疼媽媽幾乎將秘密守到入棺材，知道母親多年來一定很大壓力：「你愛我比海更深，你畀我嘅幸福比天更高，如果唔係有你嘅用心栽培、保護同埋寵愛，相信唔會有今日咁樂觀同充滿愛嘅陳淑蘭。」更感恩在媽媽離開時，自己有拖住媽媽的手對她說「你係我永遠永遠最愛嘅媽咪，冇任何人可以代替你嘅地位，你對我嘅養育之恩，我今世還唔盡，如果有來世，希望我仲可以繼續做你嘅女。多謝你偉大嘅母愛，令一個原本被遺棄嘅BB，能夠成為一顆你口中時時講嘅︰心肝、寶貝、夜明珠。」最後更為媽媽送上一句「母親節快樂！」