鐵板燒推介！走高水準匠心路線　嚐超大南非鮑魚＋鮮活北寄貝｜上環｜鏘鐵板燒日本料理

唔好以為有鐵板就係鐵板燒，雖然最緊要都係靚海鮮靚料，但其實製作配搭都可以有唔少心機，好似呢間咁，有啲醬料同獨子蒜片都係自家製，真心有heart。

呢間鐵板燒新開無耐，除咗游水海鮮，嘢食都走高水準匠心路線，大過手掌嘅鮑魚有三種食法，XO醬都係自己炒，而且呢個質素黎講Lunch超抵，$480足料得誇張。

-
🥩午市一人前 ($480 / $680)
🔸沙律、南非鮑魚、大虎蝦、A4日本和牛西冷厚燒 / 日本黑豚肉薄燒 / 美國牛肉厚燒及薄燒、炒野菜、炒飯、麵豉湯、漬物、甜品

🦞原隻龍蝦/澳洲鮑魚晚市二人前 (二人份量 $2680 / $3180)
呢個兩位價錢，有齊新鮮龍蝦/鮑魚、甘鯛立鱗燒、季節海鮮、清酒煮蜆、日本和牛/美國牛肉厚燒(按價錢)，仲有其他例如炒飯甜品咁。

🔸前菜 - 蟹肉牛油果沙律
🔸新鮮原隻龍蝦 / 澳洲鮑魚 450g (二選一)
足斤重嘅澳洲龍蝦，用新鮮龍蝦膏做汁極鮮，後者鮑魚三食仲誇張，第一食薄切鮮嫩，第二食切粒自家XO醬炒，第三食鮑魚邊配青檸，最後仲有焦香鮑魚肝。

🔸甘鯛立鱗燒 (海膽魚湯)
刁鑽嘅立鱗燒，外層鱗片極酥脆，魚身僅熟軟嫩，最正係個汁，海膽加上鮮熬魚湯，成碗啜到清哂。

🔸季節海鮮 - 鮮活北寄貝 (原汁加上木魚湯)
🔸清酒煮蜆
本身大蜆已經極鮮，再加入昆布櫻花蝦，火焰一燒，仲有估唔到嘅鮮辣惹味，加入青檸辣椒，鮮甜中帶辣，越食越起勁。

🔸A4日本和牛西冷厚燒 / 美國牛肉厚燒或薄燒 / 日本黑豚肉薄燒 (三選一)
按價錢可以揀升級和牛，睇片都見外焦內嫩，一入口爆滿肥美油脂，連獨子蒜片都係自己製，製作真係有心機。

🔸炒野菜 🔸鐵板炒飯
🔸龍蝦麵豉湯 🔸漬物
🔸甜品 - 焦糖多士、益力多冰
當日甜品仲有師傅限定製嘅拔絲，金光閃閃超靚，而且少有地有刨冰機自製刨冰，真係好食過出邊甜品店。

-
鏘鐵板燒日本料理 @teppanyakikaneko
🗺️上環皇后大道中183號新紀元廣場低座2樓202-203號舖
📞6656 5569 (Whatsapp)

生活